اخوانا السلفيين دخلو مجلس الشعب الموقر لغرض واحد في نفسهم وهو تطبيق الشريعة علي أرض مصر المحروسة و كان ده واضح جدا في كل دعاياتهم الانتخابية لحد هنا مفيش مشكلة معظم المسلمين عاوزين يطبقوا الشريعة لكن ده يحصل ازاي و امتي ؟؟
طبعا كلنا عارفين القصة المشهورة عن الامام الشافعي أنه عندما انتقل من العراق لمصر غير بعض من فتاوية لأن المجتمع العراقي مختلف عن المجتمع المصري فما يصلح هناك لا يصلح هنا، و قياسا علي ذلك ما يطبق في السعودية لا يمكن أن يطبق في مصر.
لكن العدل غايب في بلدنا تخيل مثلا أن قضية سميرة ابراهيم ( كشف العذرية ) عرضت علي سيدنا محمد صل الله عليه وسلم ليحكم فيها هل كان سيطلق نفس الحكم الذي أطلقته المحكمة العسكرية أكيد لأ طبعا.الظلم مش بس انك تحكم علي واحد برئ بالسجن الظلم هو ان واحد ظالم يهرب من العقاب عشان واصل و مش محتاجة اذكركم بحديث رسول الله :" لو أن فاطمة بنت محمد سرقت لقطعت يدها".
ثلاثة ارباع البلد جعانة وفقرانة مش معقول تخوف الناس من الحدود وانت سايبهم جعانين و فقرانين لأ و فلوسهم بتتنهب وانت مش قادر تعمل حاجه للي بينهبها و بتسكتهم بان الطرف التالت و اللهو الخفي هوالسبب اللي بيسرق فلوسهم ويحولهم علي حسابات سرية في سويسرا و دول الخليج و بيسرق منهم حتي احلامهم انهم يعيشوا مستورين و شبعانين فما تتشطرش علي الناس الغلابة و انت مش قادر تمسك الديابة.
و زي ما هما بيقولوا تطبيق الشريعة هتريح كل الناس و هتمنع كل البلاوي والمشاكل اللي احنا بناعنيها و ده حقيقي لأن شرع الله هو العدل .
العدل هو لما يبقي فيه حرامي غسيل عيان و بيموت في السجن يتنقل للمركز الطبي العالمي زيه زي المخلوع عشان يتعالج.العدل هو ان العساكر اللي هتكت عرض ست البنات في التحرير و طبيب كشف العذرية يتحكم عليهم بسبع سنين زي أي مجرم في قضية هتك عرض .
العدل هو ان اللوا كاطو يتحاكم علي الكلام السخيف بتاع أفران هتلر زي ما زياد العليمي بيتحاكم عشان الحمار .
العدل هو اني مخافش من متهم عشان علي كتفه دبورة ولا نسر ولا عشان قريب ولا نسيب فلان الفلاني باشا .هو ده شرع الله اللي أنا أعرفه و اللي بتمني أن يطبق في مصر لأنه فعلا هيحل كل مشاكلنا .لأن شرع الله مش مجرد حدود شرع الله هو العدل.
طبعا كلنا عارفين القصة المشهورة عن الامام الشافعي أنه عندما انتقل من العراق لمصر غير بعض من فتاوية لأن المجتمع العراقي مختلف عن المجتمع المصري فما يصلح هناك لا يصلح هنا، و قياسا علي ذلك ما يطبق في السعودية لا يمكن أن يطبق في مصر.
لكن العدل غايب في بلدنا تخيل مثلا أن قضية سميرة ابراهيم ( كشف العذرية ) عرضت علي سيدنا محمد صل الله عليه وسلم ليحكم فيها هل كان سيطلق نفس الحكم الذي أطلقته المحكمة العسكرية أكيد لأ طبعا.الظلم مش بس انك تحكم علي واحد برئ بالسجن الظلم هو ان واحد ظالم يهرب من العقاب عشان واصل و مش محتاجة اذكركم بحديث رسول الله :" لو أن فاطمة بنت محمد سرقت لقطعت يدها".
ثلاثة ارباع البلد جعانة وفقرانة مش معقول تخوف الناس من الحدود وانت سايبهم جعانين و فقرانين لأ و فلوسهم بتتنهب وانت مش قادر تعمل حاجه للي بينهبها و بتسكتهم بان الطرف التالت و اللهو الخفي هوالسبب اللي بيسرق فلوسهم ويحولهم علي حسابات سرية في سويسرا و دول الخليج و بيسرق منهم حتي احلامهم انهم يعيشوا مستورين و شبعانين فما تتشطرش علي الناس الغلابة و انت مش قادر تمسك الديابة.
و زي ما هما بيقولوا تطبيق الشريعة هتريح كل الناس و هتمنع كل البلاوي والمشاكل اللي احنا بناعنيها و ده حقيقي لأن شرع الله هو العدل .
العدل هو لما يبقي فيه حرامي غسيل عيان و بيموت في السجن يتنقل للمركز الطبي العالمي زيه زي المخلوع عشان يتعالج.العدل هو ان العساكر اللي هتكت عرض ست البنات في التحرير و طبيب كشف العذرية يتحكم عليهم بسبع سنين زي أي مجرم في قضية هتك عرض .
العدل هو ان اللوا كاطو يتحاكم علي الكلام السخيف بتاع أفران هتلر زي ما زياد العليمي بيتحاكم عشان الحمار .
العدل هو اني مخافش من متهم عشان علي كتفه دبورة ولا نسر ولا عشان قريب ولا نسيب فلان الفلاني باشا .هو ده شرع الله اللي أنا أعرفه و اللي بتمني أن يطبق في مصر لأنه فعلا هيحل كل مشاكلنا .لأن شرع الله مش مجرد حدود شرع الله هو العدل.
