للشاعر/محمد بهجت
واحد اتنين الجيش العربي فين
واحد اتنين الجيش العربي فين
الجيش العربي في مصر
ساكن في مدينه نصر
بيصحى من النوم العصر
وبيفطر شاي و منين
واحد اتنين الجيش العربي فين
الجيش العربي في سوريا
حالق عالموضه كابوريا
وعلى طريقه فكتوريا
خلى الترماي بدورين
واحد اتنين الجيش العربي فين
الجيش العربي الليبي
زي الفن التكعيبي
كله بتنجان يا حبيبي
الظاهر واخد عين
واحد اتنين الجيش العربي فين
الجيش العربي خليجي
ما فيه حيل لا يروح ولا ييجي
هذا صمت استراتيجي
اش فيك يا غراب البين
واحد اتنين الجيش العربي فين
الجيش العربي في تونس
اخضر مثل البقدونس
وعزيزه بتعشق يونس
يبقى الحروبات بعدين
واحد اتنين الجيش العربي فين
الجيش العربي سوداني
سامع رنته بوداني
هو انا هاهجم فرداني
يالا ارجع يا ابو حسين
واحد اتنين الجيش العربي فين
الجيش العربي اتهان
يوم ما انضربوا الافغان
وسكت في البوسنه زمان
واحد اتنين الجيش العربي فين
هناك ٤ تعليقات:
حلوه ...و لو انه خيار الحرب زيه زي طكاطك الكوارث
انتوك
good one ;) Waynon !!!
الله ينور عليكي
يعني إيه جيش عربي !؟
إرسال تعليق