كلنا ناس معفنة
لما تلاقي الكباري تتعانق مع السماء وتحتها واحد عامل نصبة شاي وجنبة ابنه بيتبول
يبقي انت اكيد في مصر
لما تلاقي عربية طولها سبعة متر ماشية في ارقي شوارع القاهرة وفجأة يترمي منها قشر يوسفي وموز
يبقي انت اكيد في مصر
لما تلاقي سواق ميكروباص طاير بأقصي سرعتة وكل شوية يطلع راسة من الشباك عشان يتف او ينف
يبقي انت اكيد في مصر
لما تلاقي اتنين قاعدين يحبوا في بعض علي الكورنيش ويرموا في النيل إشي درة وقشر لب وترمس
يبقي انت اكيد في مصر
لما تلاقي مستشفي حكومي فيها اوضة انتظار قد الحق وفيها اكتر من عشرة انفار بيدخنوا رغم اللافتات في كل مكان
يبقي انت اكيد في مصر
لما تلاقي مجموعة شباب راكبين المترو وكل واحد بينقش فنة علي كل ركن فيه
يبقي انت اكيد في مصر
هية دي مصر ونضافه اهلها
هناك تعليق واحد:
معاكي حق يانجمة بس تقولي لمين لا حياة لمن تنادي
بس المفروض كل واحد يبدا بنفسه ويعلم اولاده النظافه لان النظافه من الايمان
إرسال تعليق