عمرو خالد عامل مبادرة للقضاء علي الأمية في مصر و محمد صبحي عامل مبادرة لحل مشكلة العشوائيات ،طب والجوع؛ ازاي تقنع واحد مش قادر يقف علي حيلة من الجوع انه يختار مثلا أبو الفتوح للرئاسة طب اديله رغيف عيش عشان حتي يعرف يسمعك جايز بعد كده يقدر يفهمك و يكـون رأي خاص بيه ؛ حوالي 14 مليون مصري بيعيشوا تحت خط الفقر يعني دخلهم أقل من دولار واحد في اليوم يعني حوالي 5 جنية في اليوم تفتكرأي أم منهم ممكن تكون بتدي لولادها كل يوم الصبح كوباية لبن و سندوتش جبنة قبل ما يروحوا المدرسة ده علي أساس انهم بيروحوا المدرسة أصلا. فين ضميرك وانت نازل توزع دقيق و عيش وخضار بين ناس فقرا عشان ينتخبوك في المجلس و انت عارف وهم عارفين ان ده الوقت الوحيد اللي ممكن يلاقوا فيه ياكلوا.
لما تلاقي واحد جعان متكلموش عن الماده الثانية في الدستور وأهميتها و عن حركة 6 أبريل وعن ضرورة اسقاط المجلس العسكري متكلموش عن كل ده لأنه مش هيسمعك لأن الجوع سد ودنه و لغي عقله . حل مشكلته الأول وبعدين خليه يحل مشكلتك في عدد الأصوات في الصندوق .مش مجرد انك تتبرع بقرشين زياده عن حاجتك لبنك الطعام تبقي عملت اللي عليك الناس بتموت من الجوع حرفيا . وربنا هيسألنا عن اهالينا اللي بتموت من الجوع واحنا مش بنعمل حاجة، محدش يسألني طب إيه العمل لأني أصلا مش عارفة نعمل ايه أنا كل اللي عارفاه ان الوضع ده غلط ولازم يتصلح ازاي معرفش بس ياريت اللي يعرف يقولي أرجوكم .
لما تلاقي واحد جعان متكلموش عن الماده الثانية في الدستور وأهميتها و عن حركة 6 أبريل وعن ضرورة اسقاط المجلس العسكري متكلموش عن كل ده لأنه مش هيسمعك لأن الجوع سد ودنه و لغي عقله . حل مشكلته الأول وبعدين خليه يحل مشكلتك في عدد الأصوات في الصندوق .مش مجرد انك تتبرع بقرشين زياده عن حاجتك لبنك الطعام تبقي عملت اللي عليك الناس بتموت من الجوع حرفيا . وربنا هيسألنا عن اهالينا اللي بتموت من الجوع واحنا مش بنعمل حاجة، محدش يسألني طب إيه العمل لأني أصلا مش عارفة نعمل ايه أنا كل اللي عارفاه ان الوضع ده غلط ولازم يتصلح ازاي معرفش بس ياريت اللي يعرف يقولي أرجوكم .
ليست هناك تعليقات:
إرسال تعليق